اليكــم قصـائـد للشـاعـر المميــز والمبــدع ( فهــد المسـاعــد )
أتمنـى تنــال أستحسـانكــم
ياكثر ما اغرقت نفسي فـي بحـور اوهامهـا
وياكثر ماضعـت بيـن أوهامهـا وهمومهـا
مـا جـداي إلا احلـم انـي واقـفٍ قدامهـا
وأتخيلـهـا تعاتبـنـي .. وأروح ألومـهـا
يانديم الجـرح .. خلّـك مـن علـوم أيامهـا
مابقى فـي القلـب رغبـه يلتفـت لعلومهـا
والرسالـه ردّهـا للـي زمنـهـا ضامـهـا
وقلها كلمـه .. وتفهمهـا حسـب مفهومهـا
والله أن أقـص كفـي قبـل .. أدق ارقامهـا
والله أن اشيل قلبي .. قبـل أشيـل همومهـا
http://www.almusa3ed.com/fahad/voice.php?action=save&id=64 في عز ما كنت اهوجس فيك وافتحلـك
ابواب قلبـي خذتنـي رجلـي لبابـك
وجيتك وانا ما اذكر اني كنت رايحلك
بس اذكر اني كـذا لاطـول غيابـك
ياما ترددت مـدري كيـف اشرحلـك
اجيك وارجع ابيك تقـول وش جابـك
يابـن الاوادم تـرى مليـت المحلـك
انا اعزك واحبـك واعشـق ترابـك
لا ضقت اضيق ومتى ما تفرح افرحلك
ولاغبت اموت ومتى ما شفتك احيابك
ان كان ودك ترسينـي علـى كحلـك
لميت عمري وخاويتك علـى اهدابـك
http://www.almusa3ed.com/fahad/voice.php?action=save&id=78 جا يشوف الحال كيفه بعد ماهزه حنينه
قبل يسألني سألته كيف حالك يالحبيب؟
قال أنا كني غريب ضيع دروب المدينة
قلت أنا كني مدينه تنتظر رجعة غريب.
قال أجل وش فيك تلعن سيرة الحب وسنينه؟
قلت أنا وشلون ما **** سيرته دامك تغيب
أنت لا من غبت حتى مرايتك صارت حزينه
كيف ما تبغاني أحزن وانت لي حظ ونصيب
http://www.almusa3ed.com/fahad/voice.php?action=save&id=75 قلبي لـه اليـوم .. ثالـث يـوم موجعنـي
وعيني لها اليوم ثالـث .. تجمـع طيوفـك
والبـال كنّـه علـى دربــك يوزعـنـي
ولسانـي ماكنـه الا خـلـق لحـروفـك
لاالنـوم نافـع .. ولا التفكـيـر نافعـنـي
انام واصحى على الباقـي مـن وصوفـك
بالله قلي .. شعـوري هـذا وش يعنـي !؟
طمنّـي .. الله يطمـن هـمّـك وخـوفـك
بيني وبينك .. ترى اللي صدق ضيعنـي ....
ان انت في اخر لقا .. شارح لي ظروفك
مدري وش اقول .. لكن تدري .. اسمعنـي
خابرك وافـي .. و أبيـك تتـم معروفـك
ان كنـت نـاوي تسافـر .. لاتودّعـنـي
بـس انتبـه .. لا تسافـر قبـل مااشوفـك
http://www.almusa3ed.com/fahad/voice.php?action=save&id=67 تقبلووو تحياااتي
مما راق لي